About Us       Contact

.

ನಿಧನ

ಮೀನಾಕ್ಷಿ ಎಸ್.ಕೋಟ್ಯಾನ್ (95.)


 

ನಿಧನ

ಮೀನಾಕ್ಷಿ ಎಸ್.ಕೋಟ್ಯಾನ್(95.)

ಮುಂಬಯಿ, ಆ.31: ಮೂಲ್ಕಿ ಅಧಿಕಾರಿಬೆಟ್ಟು ಗ್ರಾಮದ ಕಂಡತೋಟ ನಿವಾಸಿ ಶ್ರೀಮತಿ ಮೀನಾಕ್ಷಿ ಶ್ರೀನಿವಾಸ ಕೋಟ್ಯಾನ್ (95.) ಅವರು ಇಂದಿಲ್ಲಿ (31.08.2019) ಶನಿವಾರ ನಿಧನರಾದರು. ಮೃತರು ಸುಪುತ್ರ ಭಾರತ್ ಕೋ.ಅಪರೇಟಿವ್ ಬ್ಯಾಂಕ್ ಮುಂಬಯಿ ಇದರ ನಿರ್ದೇಶಕ ಮತ್ತು ಬಿಲ್ಲವ ಛೇಂಬರ್ ಆಫ್ ಕಾಮರ್ಸ್ ಆ್ಯಂಡ್ ಇಂಡಸ್ಟ್ರೀಸ್ ನಿರ್ದೇಶಕ ಪುರುಷೋತ್ತಮ ಎಸ್.ಕೋಟ್ಯಾನ್, ಎರಡು ಹೆಣ್ಣು ಸೇರಿದಂತೆ ಅಪಾರ ಬಂಧು, ಬಳಗ ಅಗಲಿದ್ದಾರೆ.

 

 

 

ನಿಧನ

(ಹ್ಯಾರಿಬಾಯ್)ಹೆರಾಲ್ಡ್ ಡಿಸೋಜಾ (90.)


 

ಹಿರಿಯ ರಂಗಕಲಾವಿದ `ಕಲಾ ಚಕ್ರವರ್ತಿ' ಹ್ಯಾರಿಬಾಯ್ ನಿಧನ

 


ಮುಂಬಯಿ, ಆ.29: ಮುಂಬಯಿ ಸಾಂತಕ್ರೂಜ್ ಪೂರ್ವದ ವಕೋಲಾ ನಿವಾಸಿ ಕಾಮಿಡಿಕಿಂಗ್ ಪ್ರಸಿದ್ಧ ಕೊಂಕಣಿ ರಂಗಕಲಾವಿದ ಹ್ಯಾರಿಬಾಯ್ ನಾಮಾಂಕಿತ ಹೆರಾಲ್ಡ್ ಡಿಸೋಜಾ (90.) ಕಳೆದ ಗುರುವಾರ ಸಂಜೆ ಉಪನಗರ ನಾಯ್ಗಾಂವ್ ಅಲ್ಲಿನ ಖಾಸಾಗಿ ಆಸ್ಪತ್ರೆಯಲ್ಲಿ ವಯೋವೃದ್ಧ ಸಹಜವಾಗಿ ನಿಧನರಾದರರು.

ಮಂಗಳೂರು ವಾಲೆನ್ಸಿಯಾ ಇಲ್ಲಿ ಜನಿಸಿ ಕುಲ್ಶೇಖರದಲ್ಲಿದ್ದು ಬಾಲ್ಯದಲ್ಲೇ ಮುಂಬಯಿಗೆ ಆಗಮಿಸಿದ್ದ ಹ್ಯಾರಿಬಾಯ್ ಓರ್ವ ಅಪ್ರತಿಮ ರಂಗಕಲಾವಿದ, ಲೇಖಕ ಆಗಿದ್ದರು. ಸುಮಾರು 200 ಕೊಂಕಣಿ ನಾಟಕಗಳಲ್ಲಿ ಅಭಿನಯಿಸಿದ ಹಿರಿಯ ಕಲಾವಿದರು. ಸ್ವತಃ ನಾಲ್ಕು ಕೊಂಕಣಿ ನಾಟಕಗಳನ್ನು ರಚಿಸಿ, ನಿರ್ದೇಶಿಸಿ ಪ್ರದರ್ಶಿಸಿದ್ದು, ಕೊಂಕಣಿ ಸಂಗೀತದಲ್ಲೂ ಪಳಗಿದ್ದ ಇವರು ಸಂಗೀತ ನಿರ್ದೇಶಕರಾಗಿದ್ದು, ಸ್ವರಚಿತ 500 ಕೊಂಕಣಿ ಪದ್ಯಗಳನ್ನು ರಚಿಸಿ `ನೆಕೆತ್ರ್' ಕೊಂಕಣಿ ಹಾಡುಗಳ ಸಿಡಿ ಸಹಿತ ಎರಡು ಸಂಗೀತ ಅಲ್ಬಮ್‍ಗಳನ್ನೂ ರಚಿಸಿ ಪ್ರಸಿದ್ಧರಾಗಿದ್ದರು.

ಕೆನಾರಾಯ್ಟ್‍ಸ್ ಯೂತ್ ಅಸೋಸಿಯೇಶನ್ ಮುಂಬಯಿ ಇದರ ಸಕ್ರೀಯ ಸದಸ್ಯರೂ, ಸೈಂಟ್ ಸಾಂತಕ್ರೂಜ್ ಪೂರ್ವದ ಆ್ಯಂಟನಿ'ಸ್ ಇಗರ್ಜಿ ಇಲ್ಲಿನ ವಕೋಲಾಚೊ ತಾಳೊ ಕೊಂಕಣಿ ಅಸೋಸಿಯೇಶನ್‍ನ ಉಪಾಧ್ಯಕ್ಷ ಆಗಿಯೂ ಸೇವೆ ಸಲ್ಲಿಸಿದ್ದರು. ಮುಂಬಯಿಯಲ್ಲಿನ ಹಲವಾರು ಸಂಘ-ಸಂಸ್ಥೆಗಳಿಂದ ಗೌರವಿಸಲ್ಪಟ್ಟ ಹಿರಿಯ ಕಲಾವಿದರಾಗಿದ್ದ ಇವರು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯಿಂದ ಗೌರವ ಪುರಸ್ಕಾರಕ್ಕೆ ಪಾತ್ರವಾಗಿದ್ದು, ಕಲಾ ಕಿರಣ್ ಮುಂಬಯಿ (ಸಾಕಿನಾಕ) ಸಂಸ್ಥೆಯು ಜೀವಮಾನ ಸಾಧಕ ಪ್ರಶಸ್ತಿ ಪ್ರದಾನಿಸಿ ಗೌರವಿಸಿತ್ತು. ಸಯಾನ್‍ನ ಅವರ್ ಲೇಡಿ ಆಫ್ ಗುಡ್ ಕೌನ್ಸಿಲ್ ಇಗರ್ಜಿಯಲ್ಲಿನ ಕೊಂಕಣಿ ವೆಲ್ಫೇರ್ ಅಸೋಸಿಯೇಶನ್ ಸಂಸ್ಥೆಯೂ ಹೆರಿಬೊಯ್ ಅವರಿಗೆ `ಕಲಾ ಚಕ್ರವರ್ತಿ' ಬಿರುದು ಪ್ರದಾನಿಸಿ ಸನ್ಮಾನಿಸಿದ್ದರು.

ಅನೇಕ ದಶಕಗಳಿಂದ ವಕೋಲಾದಲ್ಲೇ ವಾಸವಾಗಿ ಹ್ಯಾರಿಬಾಯ್ ಮೂರು ಗಂಡು, ಎರಡು ಹೆಣ್ಣು ಮತ್ತು ಬಂಧುಬಳಗ, ಅಪಾರ ಕಲಾಭಿಮಾನಿಗಳನ್ನು ಅಗಲಿದ್ದಾರೆ.

 

 

 

 

 

 

... more news ...

Copyright © 2016 - www.bantwaltimes.com. Powered by eCreators

Bantwal Times

Bantwal